Erretirodunak / Jubilad@s ZORIONAK!

Honenbeste urte, honenbeste ume

Ibili da gure Elena,

bihotz handiko , pertsona isila

langile ona, kemena

Txikitxoekin dudarik gabe

eman duzu hoberena

horretxegatik merezi duzu

lagun maitea atsedena.

Erretiroari datorkio

prestatu duzun  gidoia

Zanbranan bertan izango duzu

disfrutatzeko sasoia

erromaniko artea ere

dastatzeko arrazoia

ta Baskoniak ea  sartzen dun

asteburuan baloia

Gaur haurreskolan airean dabil

argia oso tristea

ta ez da izango errudun soilik

negu hotzaren kaltea,

txinparta handiak itzali dira

zapuztu da txit labea,

kideen artean  utziko duzu

oroimen paregabea.

Erretirodunak / Jubilad@s ZORIONAK!

1)Berrogei urte ta mila ikasle

zenbaki hutsak ez dira,

barruan daude ahalegin asko

ametsak eta desira.

Hazi txikiei ura botata

kimu sendoak argira;

atzera lasai begira ezkero

hodeiertzeko distira!

2) Lana uzteak alde ona du

hori baita naturala,

baina aitortu behar dut orain

nahiko triste nagoela.

Hemengo asmo hain ederrekin

beterik daukat apala,

badakizue oroimen onak

eramango ditudala.

3) Klase barnean, ikasle erneak

airea beti gardena,

klarionez da bide luzea

etengabeko_ekimena.

Bihotz handiko gorputz txikiak,

aurrerapen nabarmena.

Kontutan hartu guk daukagula

munduko lanik onena!

4) Irriak kanpo, malkoak barne

hori da gure patua,

etengabeko gurpil honetan

bira zorabiatua.

Amaitu arte, mantendu tente

pozaren pozez burua.

Bizitza tantaz tanta dastatu,

hori da nire mezua!

5) Ai lankideok, hauxe duzue

agurraren adiera,

eskertu nahi dut zuen laguntza

kemena nahiz gertuera.

Ea duzuen nire hutsekin

bihotza txit barkabera...

Hartzazue gaur nire besarka,

ondo segi ta aurrera.

Erretirodunak / Jubilad@s ZORIONAK!

Txandal-gizona goiz agertzen da

bemeuvearen  jabea.

Opil-gizona jantoki buru

bai sukaldean orea.

Saku-gizona beti hiruretan

Olentzero txit maitea.

Gutun-gizonak gure “Barcenas”

ematen digu sobrea.

Zure Egiletan bai baratzean

uzten duzu hasperena.

Ez bota uretan pilula urdinak

hori baita zoramena,

gero doala ortura ura

(ta) loratzen da kemena,

zure porrua izango baita

herriko porru gorena.

Zu joan ondoren gure “ratio”

laster gehituko da pila,

erraldoi ordez, Xabi joan zaitez

azkar zazpi ipotx bila.

Bihotz oneko, gizon serio

ondo pasa esker mila,

ta Egiletan denbora askean

hartu herriko makila

Taloak egiten Gamarrako Ostalaritza Eskolan

Gamarrako Ostalaritza Eskolan taloak egiten